Թուրքիայի ընդդիմադիր կուսակցությունները կոշտ քննադատությունն են ուղղում երկրի կառավարությանը և անձամբ նախագահ Ռեջեփ Թայիփ Էրդողանին՝ դոլարի նկատմամբ ազգային արժույթի պատմական անկման ֆոնին։
Ընդդիմադիր «Ապագայի կուսակցության» առաջնորդ, նախկին վարչապետ Ահմեդ Դավութօղլուի երբեմնի մերձավորն ասել է, որ Ռեջեփ Թայիփ Էրդողանի կառավարության վերաբերմունքը տնտեսությանը «ոչ թե պարզապես տգիտություն է, այլ դավաճանություն երկրին»:
«Ես կոչ եմ անում մեր բոլոր քաղաքական կուսակցությունների ղեկավարներին սկսել իրական տնտեսական անկախության պատերազմ այս դավաճանության դեմ»,- գրել է Դավութօղլուն երեքշաբթի երեկոյան։
Իր հերթին, նախկին փոխվարչապետ և էկոնոմիկայի նախարար Ալի Բաբաջանը, որը ներկայումս գլխավորում է ընդդիմադիր «Ժողովրդավարություն և առաջընթաց» կուսակցությունը, սուր քննադատության է ենթարկել Էրդողանին՝ ասելով, որ նա «չգիտի, թե ինչ է անում»։
