FLYONE ARMENIA» ավիաընկերությունը մեկ օրում աննախադեպ վաճառք է գրանցել` կատարվել է գրեթե քառանիշ թվով տոմսերի սպառում։ FLYONE ARMENIA ավիաընկերությունից հաստատեցին, որ իսկապես վաճառքի բարձր ցուցանիշ է գրանցվել. «Սա FLYONE ARMENIA ավիաընկերության աշխատանքի արդյունքն է, և որքան էլ զարմանալի լինի, պետք է նշենք, որ տոմսերի այսօրինակ վաճառքը տեղի է ունեցել առանց հատուկ գովազդային արշավների»։
Ավիաընկերությունից հավաստիացրին, որ ամեն ինչ անելու են արդարացնելու յուրաքանչյուր հաճախորդի սպասելիքները` հավատարիմ մնալով որդեգրած քաղաքականությանը` արդյունավետ ու հետևողական աշխատանքի շնորհիվ հասնել կատարելության:
Հիշեցնենք, որ FLYONE ARMENIA ավիաընկերությունը երեկ հայտնել էր 7 կարևոր ուղղություններով ամենամատչելի ավիատոմսերի վաճառքի մասին` սկսած 39 եվրոյից: FLYONE ARMENIA-ն Հայաստանում բոլորովին վերջերս է սկսել իր գործունեությունը` 2021 թվականի մայիսից, և տոմսերի նման վաճառքը շատ խոստումնալից է այս կարճ ժամանակահատվածի համար:
Ընկերության առաջին չվերթը կիրականացվի դեկտեմբերի 15-ին դեպի Մոսկվա՝ «Վնուկովո» միջազգային օդանավակայան: Ինչպես արդեն նշել էինք, տոմսերի գները կսկսվեն 39, իսկ FLYONE CLUB-ի անդամների համար՝ 34 եվրոյից։ Բոլոր չվերթերը կիրականացվեն «Զվարթնոց» միջազգային օդանավակայանից՝ հարմար չվացուցակով։
Հիշեցնենք` 2021 թվականի հոկտեմբերի 27-ին ՀՀ քաղաքացիական ավիացիայի կոմիտեն FLYONE ARMENIA-ին տրամադրել էր օդանավ շահագործողի վկայական։ Վկայականի տրամադրումը հնարավորություն տվեց FLYONE ARMENIA-ին անել առավելագույնը, որպեսզի մեր քաղաքացիները կարողանան մեկնել Եվրոպա և Ասիա` մատչելի գներով և առավելագույն անվտանգության պայմաններում։
Իսկ 2021 թվականի նոյեմբերի 12-ին և 15-ին FLYONE ARMENIA ընկերությունը ստացել է Ավիացիայի միջազգային կազմակերպության՝ ICAO-ի և Օդային տրանսպորտի միջազգային ասոցիացիայի՝ IATA-ի նույնականացման ծածկագրերը, որոնք թույլ տվեցին իրականացնել վաճառքի, սպասարկման գործընթացներ` անվտանգ, հարմարավետ միջազգային օդային փոխադրումների համար՝ ICAO-ի և IATA-ի սահմանած ստանդարտներին համապատասխան:
