Ռուսաստանը Սերբիայում միջուկային էլեկտրակայան կստանա

Սոչիում կայացած հանդիպմանը Վլադիմիր Պուտինը և Սերբիայի նախագահ Ալեքսանդր Վուչիչը քննարկել են Կոսովոյի խնդիրը։ Բացի այդ, Վուչիչը հայտարարել է, որ իր երկիրը դիտարկում է իր տարածքում ատոմակայան կառուցելու հնարավորությունը և արդեն բանակցություններ է վարում ռուսական «Ռոսատոմ» կորպորացիայի հետ։
Սերբիայի նախագահը հայտարարել է նաև, որ մտադիր է Ռուսաստանի նախագահ Վլադիմիր Պուտինից 10 տարի ժամկետով տարեկան 3 միլիարդ խորանարդ մետր գազի մատակարարման համաձայնագիր խնդրել։ Սերբիան այժմ ռուսական գազը ստանում է 1000 մ³ 270 դոլարի դիմաց․ պայմանագրի ժամկետը լրանում է տարեվերջին։ Այս առիթով Վլադիմիր Պուտինը իր գործընկերոջը վստահեցրել է, որ Ռուսաստանը կփորձի ընդունելի լուծում գտնել Սերբիայի համար գազի գնի վերաբերյալ։