«FLYONE Armenia»-ն՝ շաբաթվա միջազգային ավիացիոն ստարտափ

Համաշխարհային հեղինակություն վայելող միջազգային ավիացիոն «Simple Flying» պորտալը հայաստանյան նորաստեղծ «Flyone Armenia» ավիաընկերությունը ներկայացրել է որպես շաբաթվա ստարտափ։ Հոդվածում անդրադարձ է կատարվել ավիաընկերության ստեղծման պատմությանը, ներկայացվել՝ առաջիկայում սպասվող չվերթները:

«Իր պատմությամբ՝ FLYONE Armenia-ն Հայաստանի ամենաերիտասարդ ավիաընկերությունն է։ Ընդ որում այն եզակիներից է, որն իր գործունեությունը սկսել է համավարակի պայմաններում՝ 2021թ-ին…. Ավիաընկերության ստեղծման համար ներդրվել է 60 միլիոն եվրո, ստեղծվել է 135 աշխատատեղ, ինչը նշանակալից թիվ է պետության համար և հզոր ազդակ՝ զարգացնելու երկրի ավիացիոն հավակնոտ ոլորտը»,- գրում է պորտալը:

Ինչպես արդեն տեղեկացրել ենք, «Flyone Armenia» ավիաընկերությունն առաջիկայում կսկսի իր չվերթերը 8 ուղղություններով: Ընկերությունը հայտնել է այդ ուղղություններով մատչելի ավիատոմսերի վաճառքը սկսելու մասին: Առաջին չվերթը կիրականացվի դեկտեմբերի 15-ին դեպի Մոսկվա՝ «Վնուկովո» միջազգային օդանավակայան: Տոմսերի գները կսկսվեն 39 եվրոյից, իսկ «Flyone club»-ի անդամների համար՝ 34 եվրոյից։

Նախատեսված են թռիչքներ Երևան-Լիոն, Երևան-Թեհրան, Երևան-Թել Ավիվ, Երևան-Կրասնոդար և այլ ուղղություններով: