Ամեն ինչ «սթեյք»-ի մասին

Սթեյքը համարվում է ամենահին ուտեստներից մեկը։ Ճիշտ է, դեռ ոչ ոք չի կարող նշել դրա հայտնվելու ճշգրիտ ամսաթիվը, բայց մինչ օրս պահպանված արձանագրությունների համաձայն՝ կարելի է եզրակացնել, որ նման բան պատրաստվել է Հին Հռոմում։

Սթեյքի առաջին բաղադրատոմսը, որը նման է նրան, ինչ մենք հիմա ուտում ենք, հայտնվել է 1460 թվականին։ Այդ ժամանակից ի վեր այս ուտեստը կարողացել է նվաճել Ամերիկան ու Եվրոպան ու մինչ օրս դուրս չի գալիս խոհարարական նորաձեւությունից։ Մի քանի դար առաջ բրիտանացիները սթեյքին վերաբերվում էին որպես շքեղ ուտեստի, որը ոչ բոլորը կարող էին իրենց թույլ տալ: Սթեյքը խնջույք էր արիստոկրատիայի համար:

1735 թվականին այս ուտեստի սիրահարները ստեղծել են հանրահայտ մարդկանց և թագավորական ընտանիքի անդամների համայնք։ Քիչ անց այն վերածվեց ակումբի։ Այստեղից էլ առաջացել է Club Steak-ի անվանումը։ Եփվածության աստիճանների դասակարգումը հորինել են ամերիկացիները։

Սթեյքը երբեք չի կարելի ծակել եփելու ժամանակ։ Եթե խախտեք դրա մկանաթելերի կառուցվածքը, հյութը կթողնի, և ուտեստը չորացած կլինի։ Հետեւաբար, միսը խնամքով պետք է շրջել: Սթեյքը պատրաստ լինելուց հետո պետք է մի քիչ ժամանակ տալ մսին «հանգստանալու»՝ դնելով տախտակի վրա։ Պրոցեսի ընթացքում կթուլանան մկանային մանրաթելերը , և հյութը հավասարաչափ կբաշխի կտորի ներսում:

Տապակելիս սպիտակուցը արագ փոխում է իր կառուցվածքը և թույլ չի տալիս, որ հեղուկը դուրս գա։ Ուստի միսը սկզբում արագ տապակվում է բարձր ջերմաստիճանում, իսկ հետո դանդաղ եփվում ցածրում:։