Իշխանությունը երբեք չի շեղվել ու չի շեղվելու իր գլխավոր քաղաքական ուղեծրից. Տարոն Չախոյան

-Ինչպես և ողջ աշխարհում, այնպես էլ Հայաստանում, և ոչ մի իշխանություն կատարյալ ու անթերի չէ։ Քանի որ երկրի իշխանությունը ձևավորվում է մարդկանցից՝ առանձին անհատներից, իսկ անսխալ մարդ, որպես այդպիսին աշխարհում չկա։

Այո, երբեմն հնարավոր են նաև փոքրիկ թերացումներ, սակայն դրանք այն սխալները չեն, որոնք կարող են բեկումնային լինել երկրի, պետության ու ժողովրդի համար։ Իշխանությունը՝ հանձինս վարչապետի երբեք չի շեղվել ու չի շեղվելու իր գլխավոր քաղաքական ուղեծրից, այն է՝ ծառայել երկրին և անել հնարավորինս ամեն բան ի շահ ժողովրդի և պետության։

Հայաստանի համար պատմական այս ծանր ու մարտահրավերներով լի շրջանում երկրի կառավարումը լեգիտիմ ընտրություններով ստանձնած քաղաքական թիմը արել է ու անելու է հնարավորինս ամեն բան ի շահ պետության, հանուն վաղվա օրվա և հանուն մեր և ձեր երեխաների բարեկեցիկ ապագայի, քանզի մեզնից շատերը և այդ թվում ինքս, պետական պաշտոնում ստանձնած աշխատանքին վերաբերվում ենք որպես երկրին, պետությանն ու ժողովրդին մատուցած ծառայության,- գրում է Տարոն Չախոյանը։