Ազատագրական շարժումը շարունակելու է հայտարարված նպատակների իրագործմանն ուղղված գործողությունները

Ազատագրական շարժումը տեղեկացնում է, որ շարունակելու է հայտարարված նպատակների իրագործմանն ուղղված գործողությունները, այդ թվում՝ շարունակելու է համախմբել հայրենակիցներին Նիկոլ Փաշինյանի և Արմեն Սարգսյանի հրաժարականների պահանջների շուրջ, շարունակելու է իրազեկման և բողոքի ակցիաները, ինչպես նաև իրավիճակից բխող անհրաժեշտ գործողությունների իրականացումը:

2021թ. նոյեմբերի 21-ին մեկնարկած ազատագրական շարժումն իր սկզբնական նպատակն էր հայտարարել՝

• կանխել սահմանագծման և սահմանազատման հակահայկական ծրագիրը, այդ թվում՝ պահանջելով հրապարակել ստորագրման ներկայացված փաստաթղթերը,
• թույլ չտալ միջանցք տրամադրել թշնամուն,
• պահանջել, որ Հայաստանի իշխանությունները լիարժեք զինեն առաջնագիծը և պաշտպանեն ՀՀ տարածքային  ամբողջականությունը:

Նոյեմբերի 27-ին Երևանում տեղի ունեցած հանրահավաքի ժամանակ Ազատագրական շարժումը ներկայացրել է Նիկոլ Փաշինյանի և Արմեն Սարգսյանի հրաժարականների պահանջը։

Ազատագրական շարժման պատասխանատուներ՝
Նաիրի Հոխիկյանը, Արա Զոհրաբյանը, Վազգեն Պետրոսյանը, Վահագն Չախալյանը և այլք։

Ավելի վաղ հայտնել էինք, որ «5165» շարժումը դուրս է գալիս «Ազատագրական շարժում»-ից։