Փոփոխություն Վանաձորից դեպի Վրաստան և հետադարձ ուղղությամբ երթևեկության սխեմայում

Մ-6, Վանաձոր-Ալավերդի-Վրաստանի սահման միջպետական ճանապարհի վերականգնման և բարելավման ծրագրի շրջանակներում մեկնարկել են Ալավերդի քաղաքի զույգ կամուրջներից մեկի հիմնանորոգման աշխատանքները։

Այս մասին տեղեկացնում է Ճանապարհային դեպարտամենտը:

Շինարարական աշխատանքներով պայմանավորված՝ ժամանակավոր փոփոխություն է կատարվել ճանապարհային երթևեկության սխեմայում։

Վանաձորից դեպի Վրաստանի սահման ուղղությամբ մեքենաները հիմնանորոգվող կամուրջը կարող են շրջանցել Ալավերդի քաղաքով անցնող ճանապարհով։ Իսկ Վրաստանի սահմանից դեպի Վանաձոր ուղղությունը վարորդները կարող են անցնել գործող երկրորդ կամրջով։

Ճանապարհային դեպարտամենտը վարորդներին հորդորում է հետևել ճանապարհային նշաններին։ Զույգ կամուրջներից մեկի հիմնանորոգման աշխատանքների ավարտից հետո կիրականացվի երկրորդ կամրջի նորոգումը։