Արդեն մի քանի դար անընդմեջ ոչ մի տոն չի կարող անցնել առանց դրա։ Այն խմել են արքաներն ու արիստոկրատները։ Այդ մասին գրել են Բայրոնն ու Հեմինգուեյը։ Թերևս փրփրուն ըմպելիքը վաստակել է սեփական տոնի իրավունքը։ Շամպայնի ծննդյան օրն ընդունված է նշել օգոստոսի 4-ին։
Շամպայնի գյուտարարը համարվում է ֆրանսիացի վանական Պիեռ Պերինյոնը: Գրեթե 50 տարի նա փորձեր էր անում խառնուրդների, տակառների և շշերի հետ մինչև վերջապես, 1668 թվականի օգոստոսի 4-ին, նա աշխարհին ներկայացրեց մի զարմանալի ըմպելիք՝ պղպջակներով։ Իհարկե, փրփրուն գինիները նախկինում էլ կային, բայց Պերինյոնն էր, ով մշակեց այն սկզբունքները, որոնցով դեռ պատրաստվում է շամպայնը։
Շամպայնի մեկ շիշը պարունակում է մոտ 250 միլիոն պղպջակ։ Թռչող շամպայնի խցանը կարող է զարգացնել մինչև 100 կմ/ժ արագություն։
Ավանդաբար շամպայնի շիշը կոտրում են նավի խարիսխին։ Այն խորհրդանշում է նավի շփումը փրփրացող ալիքների հետ։
Ուինսթոն Չերչիլի համար Պոլ Ռոջերը շամպայն էր արտադրում յուրահատուկ շշերի մեջ՝ 0,6 լիտր տարողությամբ։ Ամեն օր առավոտյան ժամը 11-ին, երբ նա արթնանում էր, սպասավորը շամպայն էր բերում Չերչիլի համար։
Հայտնի շամպայնով լոգանքը լուրջ վտանգ է ներկայացնում ատողջության համար։ Օրգանիզմը մաշկի միջոցով ակնթարթորեն կլանում է ալկոհոլը՝ առաջացնելով ալկոհոլային թունավորում։ Ուստի փրփրուն գինին ջրին ավելացնում են միայն փոքր քանակությամբ
Goût de Diamants-ի Taste of Diamonds շամպայնի ամենաթանկ շիշը աճուրդի է հանվել 1,2 մլն դոլարով այն զարդարված է եղել սպիտակ ոսկով, թանկարժեք բյուրեղներով և 19 կարատանոց ադամանդով։
