«Փաստը, որ ՏԻՄ ընտրություններում «Քաղաքացիական պայմանագիր» կուսակցության թեկնածուները ոչ բոլոր տեղերում են հաղթում, մեր բոլորիս հաղթանակն է: Ժողովրդավարական համակարգը ըստ էության դրանով է տարբերվում տոտալիտար համակարգից, որ ոչ բոլոր տեղերում պարտադիր պետք է իշխանական թեկնածուները հաղթեն, մի իրականություն, որում մենք ապրել ենք մեր ընդդիմադիր գործընկերների իշխանություն եղած ժամանակ»,- այսօր՝ դեկտեմբերի 10-ին, Ազգային ժողովի հերթական նիստում, անդրադառնալով ՏԻՄ ընտրությունների արդյունքներին, հայտարարեց ԱԺ արտաքին հարաբերությունների հարցերով մշտական հանձնաժողովի նախագահ Էդուարդ Աղաջանյանը:
ԱԺ փոխնախագահ Ռուբեն Ռուբինյանն էլ հավելեց. «Այն փաստը, որ ոչ մեկը չի վիճարկում ՏԻՄ ընտրությունների արդյունքները, դա նույնպես խոսուն է և նվաճում է»:
