Ժենգյալով հացը Արցախի ինչպես նաև Գորիսի և Կապանի խոհանոցների ուտեստներից է

Ժենգյալով հացը Արցախի ինչպես նաև Գորիսի և Կապանի խոհանոցների ուտեստներից է։

Ժենգյալով հացը մոտ 25 տեսակի կանաչինեչով է պատրաստվում։

Դրանց հիմնական մասն են՝

կանաչ սոխ, կանաչ սխտո, գինձ, կնձմնձուկ, ճռճռուկ, թրթնջուկ, ծտապաշար, դաղձ, եղինջ, գառնականջ, խազազ, անանուխ, վայրի դաղձ, սամիթ, մոխրաթալ, սինձ, պտուտկուն, պուտ, պառավապորտ, առոք-փառոք, կտավատի երիտասարդ տերևներ, խաղողի երիտասարդ տերևներ։

Մանրացված կանաչիներին ավելացվում է միայն բուսական յուղ աղ և պղպեղ։ Այս ուտեստը թխվում է սաջ կոչվող տաքացված ջեռոցում, մի քանի րոպե։

Ամենաերկար ժենգյալով հացի պատրաստման ռեկորդ 1-ին անգամ գրանցվել է Արցախի Հադրութ քաղաքում՝ 2018թ․ նոյեմբերին։ 1 ժամ 30 րոպեում պատրաստել են 20 կգ 885 գրամ քաշով և 2 մետր 83 սմ երկարությամբ ու 71 սմ լայնությամբ ժենգյալով հաց։

2019 թվականի մայիսի 11-ին Հաթերքում կազմակերպվել է Ժենգյալով հացի 3-րդ փառատոնը, որտեղ հադրութցիները գերազանցել են 2018 թվականին գրանցած սեփական ռեկորդը՝ թխելով 3 մ երկարությամբ ժենգյալով հաց։

Գրիգ Հակոբյան