Այսօր՝ դեկտեմբերի 15-ին, «Հայաստան» դաշինքի կողմից հրավիրվել էր Ազգային ժողովի արտահերթ նիստ: Նիստի օրակարգում «Սահմանագծման և սահմանազատման հիմնախնդիրների մասին» ԱԺ հայտարարության նախագծի քննարկումն էր:
Ինչպես հայտնի է, իշխող «Քաղաքացիական պայմանագիր» խմբակցության պատգամավորները նիստին չէին ներկայացել։ Գրանցվել էր 30 պատգամավոր, քվորում չկար, և ԱԺ փոխնախագահ Հակոբ Արշակյանը ընդմիջում հայտարարեց:
Չորս ժամ տևած ընդմիջումից հետո ԱԺ փոխնախագահ Հակոբ Արշակյանը նշեց. «Չորս ժամվա ընթացքում քվեարկության շարունակման ժամանակ քվորում չի ապահովվել, և այսպիսով, նիստի իրավազորությունը չի ապահովվել: Փաստորեն նիստը համարում եմ չկայացած»:
