«Ունենք մի այսպիսի նոնսեսային իրավիճակ, երբ ավագանիում կա 3 քաղաքական ուժ, բայց գործում է քաղաքապետ, որը չի ներկայացնում որևիցե քաղաքական ուժի»։ Այս դիրքորոշումը հայտնեց Երևանի ավագանու «Բարգավաճ Հայաստան» խմբակցության անդամ Միքայել Մանրիկյանը՝ Թիվ 1 ստուդիայում կայացած հարցազրույցի ժամանակ։
Նա հավելեց, որ ներկա պահին գործում է այն օրենքը, որ կուսակցություններից կամ կուսակցությունների դաշինքից պետք է ընտրվի քաղաքապետ, ուրեմն դա պետք է պահպանվի․ եթե թիմի անդամ ես, ուրեմն պետք է զբաղեցնես այդ պաշտոնը, եթե թիմից դուրս ես եկել՝ պետք է լքես։
«Մենք ընդդիմություն ենք, մենք տեղում ենք, և բնականաբար՝ առաջին իսկ օրվանից թիրախավորելու ենք»,- նշեց պարոն Մանրիկյանը։
