Երևանի քաղաքապետ ընտրվելուց հետո Հրաչյա Սարգսյանը կարճ ելույթ ունեցավ և ելույթի սկզբում շնորհակալություն հայտնեց Հայկ Մարությանին՝ համատեղ աշխատանքի համար։
«Այս երեք տարիների ընթացքում սկսել ենք տարբեր բարեփոխումներ՝ տարբեր ոլորտներում, և իմ պատասխանատվությունն եմ հայտնում, որ այն բարեփոխումները, որը մենք սկսել ենք և ընթացքի մեջ էին, շարունակելու ենք՝ ի բարօրություն Երևան քաղաքի, և գրանցելու ենք նորանոր հաջողություններ, որպեսզի կարողանանք ՀՀ-ի ամենամեծ բնակչություն ունեցող Երևան համայնքի բնակիչներին ապահովել պատշաճ միջավայր՝ բնակվելու Երևան քաղաքում»,- ասաց Հրաչյա Սարգսյանը։
Նա նաև շնորհակալություն հայտնեց իրեն վստահություն հայտնելու համար և կարծում է՝ այս երկու տարիների ընթացքում այն քվեով, որն իրեն տրամադրվել է, հնարավորություն կունենա իրագործելու այն բոլոր ծրագրերը, որը իրենց քաղաքական ծրագրում ներառել էին։
