Այսօր Կառավարության հերթական նիստին, ժողովրդագրական իրավիճակի բարելավման նպատակով ընտանիքում 3-րդ եւ յուրաքանչյուր հաջորդ երեխայի ծննդյան կապակցությամբ որոշում կայացվեց նշանակել եւ վճարել դրամական աջակցություն՝ ամսական 50000 դրամի չափով, մինչեւ երեխայի 6 տարեկանը լրանալու ամիսը` ներառյալ։
«Այս աջակցության վճարումը չի ազդում երեխայի ծննդյան միանվագ վճարման վրա։ Այս նպաստը չի ազդում նաեւ երեխայի մինչեւ 2 տարեկան խնամքի նպաստի վրա», – մանրամասնեց ՀՀ վարչապետ Նիկոլ Փաշինյանը։
Սույն որոշումն ուժի մեջ է մտնում հրապարակմանը հաջորդող օրվանից եւ տարածվում է այն դեպքերի վրա, երբ երեխան ծնվել է 2022 թվականի հունվարի 1-ին կամ դրանից հետո՝ մինչեւ 2026 թվականի դեկտեմբերի 31-ը՝ ներառյալ։
