Այսօր կառավարության հերթական նիստին ՀՀ առողջապահության նախարար Անահիտ Ավանեսյանը ներկայացրեց երկրում կորոնավիրուսային իրավիճակը։ Նրա խոսքով, այս պահին ունենք բավականին լավ համաճարակային իրավիճակ։
«Հայաստանում նոր ՝ «օմիկրոն» շտամը հայտնաբերված չէ։ Պատվաստումները նոր շտամից պաշտպանության բավականին բարձր շեմ են ապահովում, ինչը ուրախալի է», – ասաց Ավանեսյանը։
ՀՀ առողջապահության նախարարը ներկայացրեց Հայաստանում ընդհանուր պատվաստումների ցուցանիշը։ Այսպիսով, Հայաստանում իրականացվել է 1,591,809 պատվաստում ՝ 920,650 քաղաքացի ստացել է պատվաստման առաջին դեղաչափը, 670,710 քաղաքացի ստացել են երկրորդ դեղաչափը։ Կան արդեն մոտ 500 քաղաքացի, ովքեր ստացել են 3-րդ խթանիչ դեղաչափը։
