«ԱԺ նախագահ Ալեն Սիմոնյանի կողմից ընդդիմադիր խմբակցություններին փոխանցվել է Նիկոլ Փաշինյանի հետ փակ հանդիպում անցկացնելու առաջարկություն, սակայն ԱԺ «Հայաստան» և «Պատիվ ունեմ» ընդդիմադիր խմբակցությունները մերժել են վարչապետ Փաշինյանի հետ փակ հանդիպում անցկացնելու առաջարկությունը:
Իրենց ելույթներում ու հրապարակային խոսքում առկա խնդիրների մասին անտեղյակությունից դժգոհող ընդդիմադիրների կողմից վարչապետի հետ փակ հանդիպման առաջարկի մերժումը մեկ նպատակ է հետապնդում, որպեսզի հետագայում կարողանան էժան շահարկումներ անել, թե իբր տեղյակ չէին խնդիրներից ու ստեղծված իրավիճակից։
Ինչու չէ, նաև ընդդիմախոսներից ոմանք էլի ամենաբարձր ամբիոններից էժան հայտարարություններ կանեն, որ իրենք տեղյակ չեն, հավանաբար իշխանությունը բանակցում է, որ «հողեր հանձնի»։
Ցավոք, «երկիր փրկող» ԱԺ ընդդիմադիրները չհասկացան, որ ընդդիմությունը միայն դեմ լինելու համար չէ, փոխարենը պետք է ծանոթանալ առկա խնդիրներին ու լուծումներ առաջարկել»,- գրում է Տարոն Չախոյանը։
