Այսօր իրականացավ իմ ամենամեծ երազանքներից մեկը. Արծրուն Հովհաննիսյան

Երևանին հարակից Պռոշյան համայնքում հիմնվել է «Հերոսների վերականգնողական քաղաքը»։ Նախագիծը կրում է Ազգային Հերոս Վահագն Ասատրյանի անունը և կոչվում է` «ՀՀ Ազգային Հերոս Վահագն Ասատրյանի անվան Հերոսների Վերականգնողական Քաղաք»:

ՀՀ ԱԺ պաշտպանության և անվտանգության մշտական հանձնաժողովի փորձագետ Արծրուն Հովհաննիսյանը այդ առթիվ գրել է․

«Այսօր իրականացավ իմ ամենամեծ երազանքներից մեկը։

Շնորհակալություն Սուրենին»։

Հերոսների Վերականգնողական Քաղաք»-ի գերնպատակն է վերականգնողական բուժում ցուցաբերել հաշմանդամություն ունեցող անձանց և նրանց ինտեգրել հասարակությանը, ինչպես նաև նպաստել նրանց ինքնուրույնությանը և անկախությանը։

ՀՀ Ազգային հերոս Վահագն Ասատրյանի անունը կրող «Հերոսների վերականգնողական քաղաք» նախագիծը  բաղկացած է երեք փուլից: Կարճաժամկետ փուլում «Հերոսների վերականգնողական քաղաքում» հիմնվելու է այգի՝  ջրվեժային համակարգով, բացօթյա վերականգնողական սարքավորումներով, մեղվապահության համար նախատեսված վայրով և այլն: