«Արհեստագործական` միջին մասնագիտական ոլորտում վերջին երեք տարիներին ներդրվել է 21 նոր մասնագիտություն: 2022թ. նախատեսվում է ներդնել ևս երկուսը»,- այսօր` դեկտեմբերի 28-ին, 2021թ․ տարեկան ամփոփիչ ասուլիսի ժամանակ ասաց ԿԳՄՍ նախարար Վահրամ Դումանյանը:
«Վերջին երեք տարիների ընթացքում միջին մասնագիտական ոլորտի 14 հաստատություն անցել է հավատարմագրման գործընթացով: Հաջորդ տարի նախատեսվում է, որ կանցնեն ևս հինգը:
Օրինակ Գավառի պետական գյուղատնտեսական քոլեջում բացվել է կաթի վերամշակման լաբորատորիա` հագեցած ժամանակակից սարքավորումներով:
Մեկնարկել է համագործակցություն «Ազնավուր հիմնադրամ»-ի հետ, արվեստի ոլորտում կրթության բարեփոխման շուրջ Երևանի մշակույթի և արվեստի քոլեջի անվանափոխության զարգացման միջոցով մենք այդ քոլեջը անվանել ենք մեծանուն շանսոնյե Շառլ Ազնավուրի անունով»,- հավելեց նախարարը:
