Այսօր՝ Երևան քաղաքի ավագանու արտահերթ նիuտի շրջանակներում քաղաքապետ Հրաչյա Սարգսյանը խոսեց «Զինվորի տան» հետ համատեղ ծրագրեր իրականացնելու եւ զինվորներին աջակցություն ցուցաբերելու մասին։
«Մենք այս տարի «Զինվորի տան» հետ Երևան համայնքի ֆինանսավորմամբ արել ենք պիլոտային 4 ծրագիր։ Հիմա մեզ մնում է «տիրաժավորել», համակարգել եւ շարժվել առաջ։ Մեր աջակցությունն իրենց միշտ լինելու է, քանի որ իրենք տվել են ամենաթանկը՝ կյանքն ու առողջությունը»,- ասաց Հրաչյա Սարգսյանը։
Քաղաքապետը նշեց, որ ամենքս ինչ-որ բան արել ենք, բայց դա ամենանվազագույնն էր, ինչ մենք կարող ենք իրականացնել և բոլորիս պարտքն էր դա իրականացնել։ Նա ևս մեկ անգամ ասաց, որ տղաները տվել են իրենց կյանքն ու առողջությունը, և մենք պարտավոր ենք միշտ աջակցել նրանց։
