Իշխանությունները հայտարարում են, որ Հայաստանին անհրաժեշտ է սահմանագծում և սահմանազատում, մյուս կողմից արմատական ընդդիմությունը, ի դեմս Ռոբերտ Քոչարյանի, հայտարարում է, որ այդ պրոցեսներին մենք չպետք է մասնակցենք և պետք է սահմանները թողնել չճշտված։ Չգնալ այդ պրոցեսին չի՞ նշանակում, որ մենք ավելի խոցելի ենք դարձնում մեր սահմանները։
-Իհարկե, եթե չգնանք սահմանագծում և սահմանազատում պրոցեսին, Ադրբեջանն ավելի ուժեղ է զինվորական տեսակետից և կարող է իր թելադրանքն անել։ Սահմանագծումն ու սահմանազատումն ամենկարևոր խնդիրն է, որ կարող է լինել երկու երկրների միջև։ Իսկ Քոչարյանի ասածը, որ եթե սահմանագծումն ու զատումն անում ենք՝ ուրեմն ընդունում ենք, որ Ղարաբաղը Ադրբեջանի ամբողջականությունն է՝ նման բան չկա։ Մենք խոսում ենք Հայաստանի և Ադրբեջանի միջև եղած սահմանի մասին։ Ուրիշ ոչնչի մասին չենք խոսում։ Քոչարյանը ճիշտ չի ասում․ սահմանազատումը մեզ համար կենսական է և կապ չունի Արցախի հետ,- 1in.am-ին տված հարցազրույցում նշել է քարտեզագետ Ռուբեն Գալիչյանը։
