Աշխատանքային գործունեություն ծավալելու նպատակով Ռուսաստան մեկնող ոչ ռեզիդենտ քաղաքացիների համար սահմանվել են նոր կանոններ։ Տեղեկությունը հայտնում է Միասնական սոցիալական ծառայությունը` հղում անելով Եվրասիական տնտեսական հանձնաժողովի տարածած տեղեկատվությանը։
«ՌԴ մուտք գործելու օրվանից 30 օրվա ընթացքում պետք է անցնել պետական մատնահետքի մեկանգամյա գրանցման և նկարահանման հաշվառման։ Բացի այդ, ՌԴ մուտք գործելու օրվանից, 30 օրվա ընթացքում, պետք է անցնել բուժզննում՝ թմրամիջոցների կամ հոգեմետ նյութերի օգտագործման առկայության կամ (բացակայության), վարակիչ հիվանդությունների առկայության, ՌԴ կառավարության կողմից հաստատված և մարդու իմունային անբավարարության վիրուսով առաջացած հիվանդությունների վերաբերյալ»,–նշված է հաղորդագրության մեջ։
Անհրաժեշտ է նաև բժշկական հետազոտությունների վերաբերյալ տեղեկանքները պարբերաբար ներկայացնել անմիջապես Ներքին գործերի ոլորտի տեղական կառավարման մարմիններ կամ ենթակա մարմիններ՝ էլեկտրոնային միասնական տեղեկատվական հարթակի միջոցով:
