ՀՀ սննդամթերքի անվտանգության տեսչական մարմինն Ամանորին ընդառաջ` դեկտեմբերի 21-ից, սկսել էր ուժեղացված վերահսկողությունը մսի իրացման կետերում:
ՍԱՏՄ-ն տեղեկացնում է, որ Երևանի Խորենացի փողոցի մսի բոլոր 36 տաղավարները (ԳՈւՄ-ի շուկային հարող տարածք) եղել են 10-օրյա վերահսկողության թիրախում:
«Յուրաքանչյուր տաղավար այցելություն է կատարվել օրը մի քանի անգամ: 12 տնտեսվարողի մոտ արձանագրվել են անհամապատասխանություններ՝ բացակայել է սպանդանոցային ծագումը հավաստող թիվ 5 անասնաբուժական փաստաթուղթը։
Բացի այդ, մսի տեղափոխումն իրականացվել է սանիտարահիգիենիկ և սահմանված այլ նորմերին չհամապատասխանող փոխադրամիջոցներով, որոշ տաղավարներում չեն պահպանվել սանիտարահիգիենիկ նորմերը»,–ասված է հաղորդագրության մեջ։
