ՌԴ-ն, ԱՄՆ-ն, Չինաստանը, Ֆրանսիան և Մեծ Բրիտանիան դեմ են հանդես եկել միջուկային զենք ունեցող երկրների միջև պատերազմին
Ռուսաստանի, ԱՄՆ-ի, Չինաստանի, Ֆրանսիայի և Մեծ Բրիտանիայի ղեկավարները համատեղ հայտարարություն են տարածել միջուկային զենք ունեցող երկրների միջև պատերազմի անթույլատրելիության մասին։ Այդ մասին հրապարակված է Կրեմլի կայքում։
«Մենք հայտարարում ենք, որ միջուկային պատերազմում հաղթողներ չեն կարող լինել, և այն երբեք չպետք է սանձազերծվի։ Քանի որ միջուկային զենքի օգտագործումը կունենա հեռուն գնացող հետևանքներ, մենք նաև վերահաստատում ենք, որ միջուկային զենքերը, քանի դեռ դրանք գոյություն ունեն, պետք է ծառայեն պաշտպանական նպատակներին, զսպեն ագրեսիան և կանխեն պատերազմը։ Մենք կարծում ենք, որ նման զենքերի հետագա տարածումը պետք է կանխվի»,- ասել են «միջուկային հնգյակի» առաջնորդները։
Երկրները վերահաստատեցին իրենց հավատարմությունը Միջուկային զենքի չտարածման պայմանագրի շրջանակներում ստանձնած պարտավորություններին, ինչպես նաև հայտարարեցին, որ իրենց միջուկային զենքերը «ուղղված չեն միմյանց կամ որևէ այլ պետության»։
Մենք ընդգծում ենք մեր հանձնառությունը՝ աշխատելու բոլոր երկրների հետ՝ ստեղծելու անվտանգության միջավայր, որն ավելի նպաստավոր կլինի զինաթափման հարցում առաջընթացի համար՝ միջուկային զենքից զերծ աշխարհ կառուցելու վերջնական նպատակով՝ առանց որևէ մեկի անվտանգությունը խախտելու: Մենք մտադիր ենք շարունակել երկկողմ և բազմակողմ դիվանագիտական մոտեցումների փնտրտուքը՝ ռազմական առճակատումից խուսափելու, կայունությունն ու կանխատեսելիությունը բարձրացնելու, փոխըմբռնումն ու վստահությունը բարձրացնելու և սպառազինությունների մրցավազքը կանխելու համար, որը ոչ ոքի օգուտ չի բերում և սպառնալիք է դառնում բոլորի համար։ Մենք վճռական ենք կառուցողական երկխոսության մեջ մտնելու՝ փոխադարձ հարգանքի և միմյանց անվտանգության շահերի և մտահոգությունների ճանաչման վրա հիմնված»,-ասված է հայտարարության մեջ
Հայտարարությունը պատրաստվել է Ռուսաստանի նախաձեռնությամբ, ասել է երկրի ԱԳՆ պաշտոնական ներկայացուցիչ Մարիա Զախարովան։ Նրանք ցանկանում էին այն հանրայնացնել մինչև 10-րդ վերանայման համաժողովի սկիզբը, որը պետք է բացվեր Նյու Յորքում հունվարի 4-ին: Միջոցառումը հետաձգվել է կորոնավիրուսի պատճառով։
Recent Posts
Պեկինը Մոսկվային մեծ քանակությամբ ԱԹՍ-ներ է մատակարարում անսպասելի երկրի միջոցով. Bloomberg
Bloomberg-ի կողմից հրապարակված առևտրային տվյալների վերլուծության համաձայն՝ Արևմտյան պատժամիջոցների սահմանումից հետո Թաիլանդը դարձել է չինական…
Ինչ է պետք զիջել խաղաղության համար. Ռուբինյան
ԱԺ փոխխոսնակ Ռուբեն Ռուբինյանը «Ֆեյսբուք»-ի իր էջում տեսանյութ է հրապարակել և կից գրել․ Ինչ է…
Մեղրիին է վերադարձվել ընդհանուր շուրջ 3.15 հա մակերեսով 6 հողամաս
Սյունիքի մարզի Մեղրի համայնքի սեփականության իրավունքն է վերականգնվել շուրջ 3.15 հա ընդհանուր մակերեսով 6 հողամասի…
Պատմությունը բազմիցս ցույց է տվել՝ տարածքները հնարավոր է վերադարձնել․ Մեսրոպ Առաքելյան
Ամենակարևորը թեման ապրեցնելն է՝ ազգային հիշողության, արժանապատվության և պետական մտածողության մակարդակով, որովհետև երբ պետությունը զարգանում…
Քննարկվել են բեռների անխոչընդոտ տարանցմանը վերաբերող հարցեր
ՀՀ էկոնոմիկայի նախարար Գևորգ Պապոյանի հրավերով Հայաստանում է գտնվում Վրաստանի էկոնոմիկայի և կայուն զարգացման նախարար…
Իրանին տրամադրվում է առավելագույնը 10-15 օր ժամանակ․ Թրամփ
ԱՄՆ նախագահ Դոնալդ Թրամփը հայտարարել է, որ Իրան հետ համաձայնության հասնելու համար տրամադրվում է առավելագույնը…