Հայաստանում կորոշեն շախմատի «արքային» և «թագուհուն». առաջնությունները մեկնարկում են

Հունվարի 11-ից մեկնարկում են Հայաստանի տղամարդկանց և կանանց շախմատի առաջնությունները։ Տեղեկությունը հայտնում է Հայաստանի շախմատի ֆեդերացիան։

Նշվում է, որ հունվարի 11-ին, ժամը 15։00–ին, տեղի կունենա մրցաշարերի բացման արարողությունները և վիճակահանությունները։ 82-րդ անգամ անցկացվող տղամարդկանց պայքարին մասնակցելու են Սամվել Տեր-Սահակյանը, Շանթ Սարգսյանը, Հայկ Մարտիրոսյանը, Մանուել Պետրոսյանը, Արման Փաշիկյանը, Հովհաննես Գաբուզյանը, Զավեն Անդրիասյանը, Տիգրան Պետրոսյանը, Տիգրան Հարությունյանը, Արման Միքայելյանը, Դավիթ Շահինյանն ու Մամիկոն Ղարիբյանը:

Իսկ 77-րդ անգամ անցկացվող կանանց առաջնությանը կմասնակցեն Մարիամ Մկրտչյանը, Սուսաննա Գաբոյանը, Մարիա Գևորգյանը, Աննա Խաչատրյանը, Աստղիկ Հակոբյանը, Ասյա Եդիգարյանը, Մարիամ Ավետիսյանը, Վերոնիկա Խաչատրյանը, Նարինե Գասպարյանը և Նարե Առաքելյանը: Մինչ մրցաշարի մեկնարկը շախմատիստները պետք է ներկայացնեն կորոնավիրուսի թեստի բացասական պատասխան։