Կիևի Պեչերսկի շրջանային դատարանը պետական դավաճանության գործով կալանք է դրել Ուկրաինայի նախկին նախագահ Պյոտր Պորոշենկոյի ողջ ունեցվածքի վրա, հայտնում է РИА Новости-ին՝ հղում անելով նրա փաստաբան Իգոր Գոլովանին։
Պորոշենկոյի պաշտպանը մտադիր է վիճարկել այս որոշումը։
Դավաճանության գործը կապված է ինքնահռչակ Դոնեցկի և Լուգանսկի Ժողովրդական Հանրապետությունների տարածքներից ածուխի ապօրինի մատակարարման հետ։ Այն հարուցվել է պետական դավաճանության (Ուկրաինայի ՔՕ 111-րդ հոդված) ահաբեկչության ֆինանսավորման (Ուկրաինայի ՔՕ 258-5-րդ հոդված) և ահաբեկչական կազմակերպության ստեղծման հոդվածներով (Ուկրաինայի Քրեական օրենսգրքի 258-3 հոդված)։
Այս գործով մեղադրյալ է նաև Գերագույն Ռադայի պատգամավոր «Ընդդիմադիր պլատդֆորմ՝ «Կյանքի համար» կուսակցության առաջնորդներից մեկը՝ Վիկտոր Մեդվեդչուկը, ում անվանում են Վլադիմիր Պուտինի կնքահայր։
Ինքը՝ Պորոշենկոն, ասել է, որ հունվարի 17-ին կվերադառնա Ուկրաինա և կմասնակցի դատավարությանը։ Դատախազությունը մտադիր է նրան կալանավորել։
