Բենզինի գինը նվազել է

Հայաստանում բենզինի գինը վերջին 2 օրվա ընթացքում էժանացել է 4-8 տոկոսով։Հայաստանյան բենզալցակայաններում ռեգուլյար տեսակի բենզինը հունվարի 6-ից սկսած 520-540 դրամից նվազել է մինչև 500, որոշ տեղերում` 490, անգամ` 480 դրամ, պրեմիում տեսակինը՝ 540-ից 510-520 դրամ։

Որքան էլ տարօրինակ է` հայաստանյան շուկան այս անգամ աննախադեպ արագ արձագանքեց համաշխարհային շուկայի միտումներին։ Բանն այն է, որ նավթի գները համաշխարհային բորսայում հունվարի 6-ից նվազման միտում են արձանագրել սակարկությունների ընթացքում։

Նավթի փետրվարյան ֆյուչերսները նվազել են 1,28%-ով՝ հասնելով մեկ բարելի դիմաց 76,85 դոլարի։Brent տեսակի նավթի 1 բարելը մարտ ամսվա մատակարարումների համար նվազել է 1,34%-ով՝ հասնելով 79,72 դոլարի։

Նշենք, որ 2021թ–ի նոյեմբերի 26-ին նավթի ֆյուչերսային արժեքը ռեկորդային գին էր գրանցել` հասնելով 1 բարելի դիմաց 81 դոլարի։

Վերլուծաբանների համոզմամբ` նավթի գնի փոփոխությունը ՕՊԵԿ (Նավթ արտահանող երկրների կազմակերպություն) անդամ երկրների միջև հունվարի 4-ին կայացած հանդիպման ժամանակձեռք բերված պայմանավորվածությունների արդյունք է։ ՕՊԵԿ ներկայացուցիչները պայմանավորվել են 2022 թվականի փետրվարից շարունակել նավթի արդյունահանման ծավալների մեծացումը։