ՀՀ վարչապետ Նիկոլ Փաշինյանը զրուցել է Վրաստանի վարչապետ Իրակլի Ղարիբաշվիլիի հետ: Տեղեկությունը հայտնում է վարչապետի մամուլի ծառայությունը։ «Հեռախոսազրույցի ընթացքում նրանք շնորհավորանքներ են փոխանակել Սուրբ ծննդյան տոնի կապակցությամբ:
Նիկոլ Փաշինյանը և Իրակլի Ղարիբաշվիլին գոհունակություն են հայտնել հայ-վրացական հարաբերությունների զարգացման ուղղությամբ երկու երկրների կառավարությունների միջև առկա համագործակցությունից և քննարկել երկկողմ փոխգործակցությանը վերաբերող օրակարգային մի շարք հարցեր»,– նշված է հաղորդագրության մեջ:
Մտքեր են փոխանակվել նաև երկուստեք հետաքրքրություն ներկայացնող այլ թեմաների շուրջ:
