Տաջիկստանի նախագահ Էմոմալի Ռահմոնն ու ՀՀ վարչապետ, Հավաքական անվտանգության պայմանագրի կազմակերպության (ՀԱՊԿ) Անվտանգության խորհրդի նախագահ Նիկոլ Փաշինյանը հեռախոսով քննարկել են ղազախստանյան իրադրության զարգացումը և իրավակարգի պահպանման համար խաղաղապահ ուժերի տեղափոխման վերաբերյալ ՀԱՊԿ որոշման իրականացումը:
Տեղեկությունը հայտնում է ՌԻԱ Նովոստին՝ հղում անելով Տաջիկստանի նախագահի մամուլի ծառայությանը։
«Բանակցությունների ընթացքում կողմերը կարծիքներ են փոխանակել Ղազախստանի Հանրապետությունում իրավիճակի զարգացման վերաբերյալ և ընդգծել բարեկամ երկրի ղեկավարության աջակցությունը խաղաղության և կայունության վերականգնման ուղղությամբ», – նշվում է հաղորդագրության մեջ:
Ռահմոնն ու Փաշինյանը քննարկել են նաև Ղազախստանում համատեղ խաղաղապահ առաքելության մասին ՀԱՊԿ որոշման իրագործումը։
