Եգիպտոսի Սինայի թերակղզում սարսափելի վթար է տեղի ունեցել։ Բախվել են միկրոավտոբուսն ու ավտոբուսը։
Ինչպես հայտնում է ՌԻԱ Նովոստին, հղում անելով Եգիպտոսի առողջապահության նախարարությանը, բախման հետևանքով առնվազն 16 մարդ է մահացել, 18-ը՝ վնասվածքներ ստացել։
Նշվում է, որ շտապօգնության 13 ավտոմեքենա է մեկնել դեպքի վայր, տուժածները հոսպիտալացվել են Տոր, Աբու Ռուդեյս, Շարմ Էլ Շեյխ քաղաքների հիվանդանոցներ։
Տեղեկություններ կան, որ վթարի ենթարկված ավտոմեքենաներում եղել են զբոսաշրջիկներ։ Թե որ երկրների քաղաքացիների են եղել, առայժմ չի հաղորդվում։
