ՀԱՊԿ-ը զայրացրել է Արևմուտքին, որովհետև նրանք չեն կարող արդյունավետ արձագանքել ճգնաժամին․ Զախարովա

Արևմուտքի գնահատականները, թե ՀԱՊԿ ուժերի մուտքը Ղազախստան ոչ լեգիտիմ է, թելադրված է բանական զայրույթով, նրանք չեն կարող այդքան արդյունավետ արձագանքել ճգնաժամին։ Նման որակավորում է տվել  ՌԴ ԱԳՆ պաշտոնական ներկայացուցիչ Մարիա Զախարովան Արևմուտքի արձագանքին։
Խոսելով Ղազախստան ՀԱՊԿ ուժերի մուտքի վերաբերյալ Արևմուտքի արձագանքի մասին՝ նա նշել է, որ կազմակերպությունը «իր գործն արել է այնպես, ինչպես բարձրագույն կարգի բժիշկն է անում՝ ակնթարթորեն ամբողջ իրավիճակը հասցնելով այն ցուցանիշներին, որոնք եղել են»։
Զախարովան հավելել է, որ  դա նյարդայնացնում է, քանի որ արևմտյան աշխարհի բոլոր գործողությունները, որոնք իրականացվել են, հանգեցրել են հակառակին՝ ձախողման։
«Ես շատ լավ հասկանում եմ մարդկանց զայրույթն ու ատելությունը, ովքեր այժմ քննադատում են Արևմուտքում և տարակուսանք հայտնում Ղազախստանի խնդրանքով ՀԱՊԿ-ի գործողությունների վերաբերյալ, հաշվի առնելով, թե ինչ արեցին նրանք Աֆղանստանին և ինչպես դուրս եկան այնտեղից»,- ասել է ՌԴ ԱԳՆ խոսնակը։