Խոսրովի անտառի տեսախցիկ-թակարդում արջ է հայտնվել։ «Խոսրովի անտառ» պետական արգելոցը իր կայքէջում տեսանյութ է հրապարակել` այն վերնագրելով «Քորվող արջը»։
Տեսանյութում երևում է, թե ինչպես է արջը գետնին թավալ գալիս` քորելով իրեն։ Խոշոր արջը ծառերից մեկի արմատների մոտ պառկում է գետնին և մի լավ քորում իրեն։
Հիշեցնենք, որ նախորդ տարեվերջին էլ հայտնի դարձավ, որ Նովա հովազը վերադարձել է Խոսրովի անտառ։ Սա մեծ ձեռքբերում է Հայաստանի բնաշխարհի և կենդանական աշխարհի պահպանման գործում։
