Եվրոպական դեղամիջոցների գործակալության (EMA) մասնագետները դրական են արտահայտվել Sputnik V կորոնավիրուսի դեմ պատվաստանյութի կլինիկական փորձարկումների ընթացակարգի վերաբերյալ։ Ինչպես հայտնում է ՏԱՍՍ գործակալությունը, այս մասին այսօր` հունվարի 11-ին հայտնել է դեղամիջոցի մշակմամբ զբաղվող Ն.Ֆ. Գամալեայի անվանվան կենտրոնի փոխտնօրեն Դենիս Լոգունովը։
«Արտադրական ստանդարտների ճանաչման, կլինիկական փորձարկումների ճանաչման վերաբերյալ աշխատանքի այս հատվածի մասով մենք քննադատական արձագանքներ չունենք, միայն դրական եզրակացություն ենք ստացել՝ կապված կլինիկական փորձարկումների անցկացման հետ։ », – ասել է Լոգունովը YouTube-ի «Soloviev Live» ալիքի եթերում։
Նրա խոսքով՝ ներկա պահին Գամալեայի անվան կենտրոնը գտնվում է EMA-ի հետ արտադրական չափանիշների համապատասխանեցման փուլում, եւ Եվրոպան, Չինաստանը և Ռուսաստանը պետք է իրար միջեւ համաձայնեցնեն արտադրական այդ չափանիշները:
