ՀՀ հարկային օրենսգրքում փոփոխություններ կատարելու մասին օրենքի նախագծի քննարկում տեղի ունեցավ։ Հարկային օրենսգրքով սահմանված են բնապահպանական հարկի դրույքաչափեր շրջակա միջավայրին վնաս պատճառող ապրանքների համար։
Նախագծով առաջարկվում է օրենսգրքի 171-րդ հոդվածի առաջին մասի աղյուսակից հանել այն օզոնաքայքայիչ նյութերը, որոնց ներմուծումը Հայաստան արգելված է, ինչպես նաև լրացնել ցանկը ներմուծվող օզոնաքայքայիչ նյութերի,- ԱԺ տնտեսական հարցերի մշտական հանձնաժողովում նախագծի քննարկման ժամանակ ասաց Շրջակա միջավայրի նախարար Հակոբ Սիմիդյանը։
