Հանրապետությունում առաջիկա հինգ տարվա ընթացքում 500 մանկապարտեզ է կառուցվելու։
«Սուբվենցիայի ծրագրի մեջ փոփոխություն ենք իրականացնում հետևյալ տրամաբանությամբ, որ համայնքներում մանկապարտեզների շինարարությունը կառավարությունը կհամաֆինանսավորի 70-80%։ Այսինքն՝ սահմանամերձ համայնքներում 80%, իսկ մյուս համայնքներում 70%»,- գործադիրի նիստին ասաց վարչապետ Նիկոլ Փաշինյանը։
Հավելեց՝ եթե համայնքը պատրաստակամություն է հայտնում 20%-ով ֆինանսավորելու մանկապարտեզի կառուցումը, նորոգումը կամ հիմնանորոգումը։
Ընդգծեց նաև, որ համայնքը պետք է վերցնի այլ պարտավորություն, որ շահագործման պահից հետո մանկապարտեզի կարիքները պետք է ինքը հոգա։
