Առողջապահության եւ արդարադատության նախարարությունների ՊՈԱԿ-ներին տրված արտոնությունը վերանալու է. Նարեկ Զեյնալյան
ՔՊ պատգամավորներ Նարեկ Զեյնալյանը, Լուսինե Բադալյանը, Հրաչյա Հակոբյանը, Էմմա Պալյանը, Հռիփսիմե Հունանյանը հեղինակել են «Թմրամիջոցների եւ հոգեմետ նյութերի մասին» օրենքում լրացում կատարելու մասին նախագիծը: Այսօր ԱԺ առողջապահության հարցերի հանձնաժողովի նիստում նախագծի քննարկման ժամանակ հանձնաժողովի նախագահ Զեյնալյանն ասաց, որ առաջարկում են առկա խտրական մոտեցումը վերացնել:
Գործող իրավակարգավորումներով՝ թմրամիջոցների եւ հոգեմետ նյութերի օգտագործման փորձաքննություն իրականացնելու համար պետք է լիցենզավորում ունենա տվյալ մարմինը: Կան բացառություններ առողջապահության եւ արդարադատության նախարարությունների ենթակայությամբ գործող ՊՈԱԿ-ների եւ ոստիկանության համապատասխան ստորաբաժանման համար: Եվս մեկ ՊՈԱԿ կար, որը զբաղվում էր տվյալ գործունեությամբ, բայց դուրս էր մնացել այս բացառությունների ցանկից:
Խոսքը ԳԱԱ «Փորձաքննությունների ազգային բյուրոյի» մասին է. «Խտրական մոտեցում էր առաջացել այս ՊՈԱԿ-ի նկատմամբ: Խտրականությունը վերացնելու համար առաջարկում ենք, որ մյուս երկու ՊՈԱԿ-ները, որոնք գտնվում են արդարադատության եւ առողջապահության նախարարությունների ենթակայության տակ, բացառությունների ցանկից հանել ու դարձնել պարտադիր լիցենզավորված գործունեություն:
Բացառությունների մեջ թողնելու ենք միայն ոստիկանության ստորաբաժանումը, որը վերահսկող մարմին է ու լիցենզավորման ենթակա չէ»: Առողջապահության նախարարությունն առաջարկել էր 6 ամիս ժամանակ տալ, որպեսզի այդ ՊՈԱԿ-ները հասցնեն լիցենզավորվել: Նարեկ Զեյնալյանն ասաց, որ արդեն լիցենզավորման գործընթացը սկսվել է, երկու ՊՈԱԿ հասցրել են լիցենզավորվել, ուստի օրենքն ուժի մեջ մտնելուց հետո 3 ամիսը բավարար ժամկետ է, որ կարողանան ըստ օրենքի գործել:
Recent Posts
Վրաստանի վարչապետն ասել է, որ երկիրը աջակցում է Ուկրաինայի վերաբերյալ ԱՄՆ-ի ծրագրին
Վրաստանն աջակցում է Ուկրաինայում խաղաղություն հաստատելու ԱՄՆ-ի ծրագրին և գործողություններին, լրագրողներին ասել է Վրաստանի վարչապետ…
Լավրովը ժամանել է Թեհրան
Ռուսաստանի արտգործնախարար Սերգեյ Լավրովն աշխատանքային այցով ժամանել է Թեհրան, որտեղ կհանդիպի Իրանի արտգործնախարար Աբբաս Արաղչիի…
Մեր գերիները շարունակում են Բաքվում մնալ. Հովհաննիսյան
«Մեր օրակարգում սահմանագծումն ու սահմանազատումն ամենազգայուն թեմաներից են». այս մասին ԵՄ-Հայաստան խորհրդարանական գործընկերության կոմիտեի 4-րդ…
Անդրադարձել են Մատվիենկոյի՝ Հայաստան այցի կազմակերպչական հարցերին
ՀՀ ԱԺ նախագահ Ալեն Սիմոնյանը հեռախոսազրույց է ունեցել ՌԴ Դաշնային ժողովի Դաշնության խորհրդի նախագահ Վալենտինա…
Էրդողանը Եվրամիությանը «փրկություն է առաջարկում»
Ինչպես հաղորդում է «Անադոլուն», փետրվարի 24-ին Թուրքիայի նախագահ Ռեջեփ Թայիփ Էրդողանը կառավարության նիստ է գումարել,…
Emirates-ը և SIL Capital-ը ստորագրեցին ռազմավարական հուշագիր` Հայաստանում էներգետիկ լուծումների ընդլայնման նպատակով
2025թ., փետրվարի 12 – Emirates Petroleum Company (Emarat)-ը, որը Արաբական Միացյալ Էմիրությունների նավթագազային ոլորտի առաջատարներից…