Չեխիայի վարչապետ Պետր Ֆիալան կոպիտ ելույթ է ունեցել խորհրդարանի նիստի ժամանակ։ Այս մասին հայտնել է տեղական Novinky.cz թերթը՝ պատմելով պատահաբար արտասանված անպարկեշտ արտահայտության մասին։
«Ոնց է այս ամենը ինձ զզվեցրել», – մեջբերում են հեղինակները Ֆիալայի խոսքերը՝ նշելով, որ նա ավելի կոպիտ է արտահայտվել։
Հրապարակումը նշել է, որ խոսափողը միացված է եղել, և դահլիճում ներկաները լսել են վարչապետի խոսքերը։ Novinky.cz-ը կարծում է, որ Ֆիալայի դժգոհության պատճառ է հանդիսացել ձգձգվող հանդիպումը։
Չեխիայի կառավարության մամուլի քարտուղար Վացլավ Սմոլկը, բացատրելով վարչապետի անզսպությունը, ընդգծել է, որ Ֆիալան սովորաբար իրեն թույլ չի տալիս էմոցիաներ դրսևորել։
«Բայց նա նաև մարդ է, և լարված միջավայրում պատահաբար կարող էր ինչ-որ բան ասել ոչ հրապարակային», – ասել է Սմոլկը լրագրողներին:
