Իլհամ Ալիևը նախօրեին հայտարարել էր, թե ԵԱՀԿ Մինսկի խմբի համանախագահները չպետք է զբաղվեն Լեռնային Ղարաբաղի խնդրով, քանի որ այն լուծված է: Նա նաև ասել էր, թե Ադրբեջանը կկանխի ԵԱՀԿ Մինսկի խմբի ցանկացած փորձ՝ զբաղվելու Ղարաբաղի հարցով: Ադրբեջանի նախագահը, բացի դրանից, նաև մի քանի հայատյաց հայտարարություն էր արել: Ալիևի վերջին հայտարարությունների, նաև հայ-ադրբեջանական սահմանին Բաքվի վերջին ռազմական սադրանքի վերաբերյալ «Լուրերը» հարցում էր ուղարկել Հայաստանում Միացյալ Նահանգների դեսպանատուն: ՀՀ-ում ԱՄՆ դիվանագիտական ներկայացուցչության պատասխանը ներկայացնում ենք ստորև.
- Հայաստանի և Ադրբեջանի միջև շարունակվող լարվածությունն ընդգծում է Լեռնային Ղարաբաղի հակամարտության հետ կապված կամ դրանից բխող բոլոր մնացած հարցերի բանակցային, համապարփակ և կայուն կարգավորման անհրաժեշտությունը:
- Որպես ԵԱՀԿ Մինսկի խմբի համանախագահ՝ Միացյալ Նահանգները հանձնառու է իր մասնակցությունը բերել Լեռնային Ղարաբաղի հակամարտության տևական քաղաքական կարգավորման հարցում։
- Մենք կոչ ենք անում իրավիճակի ապաէսկալացման՝ այնպիսի քայլերի միջոցով, ինչպիսիք են զորքերի հետքաշումը, սահմանների դեմարկացիան և պահվող անձանց վերադարձը:
