Մարդկային զարգացման միջազգային կենտրոնի ղեկավար Թևան Պողոսյանը Sputnik Արմենիայի եթերում անդրադարձել է Արցախի Ազգային ժողովի հայտարարությանը, որն առնչվում է հետպատերազմյան շրջանում Ադրբեջանի վարած ագրեսիվ քաղաքականության հետ։
Արցախի ԱԺ–ն իր հայտարարությամբ չի ընդունում ադրբեջանական կողմի դիրքորոշումը, որ արցախյան հարց գոյություն չունի, հետևաբար Մինսկի խմբի համանախագահները պետք է կարողանան ժամանակին ստացած իրենց մանդատն օգտագործել հիմնախնդրի կարգավորման շրջանակում։
Sputnik Արմենիայի հետ զրույցում Արցախի օրենսդիր մարմնի հայտարարությունն այսպես մեկնաբանեց Մարդկային զարգացման միջազգային կենտրոնի ղեկավար Թևան Պողոսյանը։
«Բայց որպեսզի այդ հայտարարությունն ավելի ուժգին լինի, անհրաժեշտ են գործնական քայլեր։ Արցախի ԱԺ–ն պետք է շատ արագ ընդունի Ադրբեջանի կողմից իր տարածքներն օկուպացնելու մասին օրենք, կարողանա դա ներկայացնել և ՀՀ ԱԺ–ի հետ բարձրաձայնել խնդիրը` ակտիվացնելով միջպետական հանձնաժողովի աշխատանքները։ Պետք է ներկայացվի համապատասխան հայտ և ՀՀ–ն ճանաչի Արցախի անկախությունը։ Այդ ամենից հետո միայն լուրջ արդյունքը կդառնա տեսանելի»,– ասաց Մարդկային զարգացման միջազգային կենտրոնի ղեկավարը։
Ամբողջական հարցազրույցը՝ սկզբնաղբյուրում։
