Ռուսաստանի Դաշնության արտաքին գործերի նախարարի տեղակալ Սերգեյ Ռյաբկովն այսօր հանդիպել է Ռուսաստանում դիվանագիտական առաքելություն իրականացնող Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի,Ուզբեկստանի և Ադրբեջանի դեսպաննների հետ:
Այս մասին հաղորդագրություն է տարածել ՌԴ ԱԳՆ-ն՝ նշելով, որ դեսպաններին մանրամասն տեղեկացվել է հունվարի 9-13-ը Ժնևում, Բրյուսելում եւ Վիեննայում ԱՄՆ-ի, ՆԱՏՕ-ի հետ Ռուսաստանի Դաշնության՝ անվտանգության միջազգային իրավական երաշխիքների ապահովման հարցերի շուրջ կայացած խորհրդակցությունների արդյունքները, ինչպես նաև այս թեմայի քննարկումը ԵԱՀԿ Մշտական խորհրդի նիստում։
