Փրկարարները Սիսիան-Գորիս ճանապարհի 30-35 կմ-ն ընկած հատվածում արգելափակումից դուրս են բերել 8 ավտոմեքենայի և 16 ուղևորի։
Տեղեկությունը հայտնում է ՀՀ ԱԻՆ մամուլի ծառայությունը։«Հունվարի 15-ին, ժամը 11:55-ից մինչև 12:00-ն ընկած ժամանակահատվածում Սյունիքի մարզային ճգնաժամային կառավարման կենտրոն ահազանգեր են ստացվել, որ Շինուհայրի խաչմերուկի մոտակայքում մերկասառույցի և բքի պատճառով կան արգելափակված ավտոմեքենաներ»,–ասված է հաղորդագրության մեջ։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Նրանք Մ-2 ավտոճանապարհի Սիսիան-Գորիս հատվածից արգելափակումից դուրս են բերել 8 ավտոմեքենայի, որոնց մեջ 16 ուղևորներ են եղել։
