Ավստրալիայի Ներքին գործերի նախարարությունը թույլ է տվել երկիր մուտք գործել ռուսական Sputnik V պատվաստանյութով պատվաստված քաղաքացիներին։ Այս մասին են վկայում երկուշաբթի գործակալության կայքում հրապարակված տվյալները:
Գերատեսչությունը նաև պարզաբանել է, որ Sputnik V-ով պատվաստման կարգավիճակը հաստատելու համար օտարերկրյա քաղաքացին Ավստրալիա մուտք գործելիս պետք է ներկայացնի միջազգային վկայական, որտեղ նշված կլինեն դեղամիջոցի անվանումը և երկու պատվաստումների ժամկետները, որոնցից վերջինի ընդունումից առնվազն յոթ օր պետք է անցած լինի:
Ավելի վաղ Ավստրալիայի թերապևտիկ ապրանքների վարչությունը ճանաչել էր ռուսական Sputnik V պատվաստանյութը՝ երկիր մուտք գործելիս կորոնավիրուսի դեմ պատվաստման կարգավիճակը հաստատելու համար։ Նախարարությունն ընդգծել է, որ պատվաստանյութն ունի առնվազն 89% ապացուցված արդյունավետություն կորոնավիրուսային վարակի կանխարգելման համար և 98-100% պաշտպանում է ծանր COVID-19-ից և հիվանդության հետևանքով առաջացած բարդություններից:
Մինչ այդ, երկիր մուտքն արգելված էր ռուսական պատվաստանյութով պատվաստված քաղաքացիներին, քանի որ առողջապահական վարչությունն այն չէր ճանաչել:
