Այսօր, ՀՀ ԱԺ ութերորդ գումարման երրորդ նստաշրջանի հերթական նիստին, ԱԺ «Հայաստան» կուսակցությունների դաշինքի պատգամավոր Ագնեսա Խամոյանը հարցրեց ԱԺ փոխնախագահ Հակոբ Արշակյանին, թե ինչ բակացություններ են տեղի ունեցել Հայաստանի ու Թուրքիայի հատուկ բանագնացներ Ռուբեն Ռուբինյանի եւ Սերդար Քըլըչը միջև։
«Անկախության հաստատումից ի վեր եւ այն ժամանակ, երբ Թուրքիան որոշակի սահմանափակումներ է կիրառել եւ փակել սահմանները Հայաստանի հետ, Հայաստանի կողմից դիրքորոշումը եղել է այնպիսին, որ մենք կողմ ենք առանց նախապայմանների հարաբերությունների հաստատմանը եւ սահմանների բացմանը»,- պատասխանեց Արշակյանը։
Նա հավելեց, որ այդ տրամաբանությունը չի փոխվել, եւ Հայաստանի կառավարությունը այժմ էլ հանդես է գալիս այդ դիրքերից։
Ագնեսա Խամոյանը ի պատասխան Արշակյանի՝ ասաց, որ վերջինս այդպես էլ չպատասխանեց իր հարցին։ Այդ պատճառով ԱԺ փոխնախագահ Ռուբեն Ռուբինյանը, որը նաեւ Հայաստանի կողմից հատուկ բանագնացն է, հիշեցրեց Խամոյանին, որ ԱԺ փոխնախագահ Հակոբ Արշակյանը չի կարող ունենալ ամբողջական տեղեկություններ այդ հանդիպումից։
Ռուբինյանը առաջարկեց Խամոյանին տալ այդ հարցերը կամ կառավարության հարցուպատասխանին, կամ նիստին՝ հետո անձամբ մոտենալ Ռուբինյանին։
