Թուրքիայի նախագահ Ռեջեփ Թայիփ Էրդողանը հայտարարել է, որ ռուսական ներխուժումն Ուկրաինա իրատեսական մոտեցում չի համարում։ Նա ասել է, որ անհրաժեշտ է քննարկել ուկրաինական ճգնաժամը Ռուսաստանի նախագահ Վլադիմիր Պուտինի հետ։
«Ես Ռուսաստանի ներխուժումն Ուկրաինա իրատեսական մոտեցում չեմ համարում, քանի որ Ուկրաինան սովորական երկիր չէ, Ուկրաինան ուժեղ երկիր է, բացի այդ, որպեսզի Ռուսաստանը գնա այդ քայլին, պետք է վերանայի իրավիճակը ամբողջ աշխարհում։ Ադրբեջանի նախագահ Ալիևը Ուկրաինայում էր, հիմա ես կխոսեմ նրա հետ: Իհարկե, մենք պետք է այդ հարցերը քննարկենք պարոն Պուտինի հետ»,- Ալբանիա կատարած այցի ժամանակ լրագրողներին ասել է Էրդողանը։
