Ղազախստանի Նուրսուլթան և Ալմաթի քաղաքներում, ինչպես նաև Ալմաթիի, Աթիրաուսկի, Ժամբիլի, Կըզըլորդինի ու Մանգիստաուսկի մարզերում հունվարի 19-ի կեսգիշերից դադարեցվում է արտակարգ դրության ռեժիմը: Տեղեկությունը Facebook-ում հայտնել է Ղազախստանի նախագահի մամուլի քարտուղար Բերիկ Ուալին։
Ավելի վաղ Ղազախստանի նախագահ Կասիմ-Ժոմարտ Տոկաևը վաղաժամկետ չեղյալ էր հայտարարել արտակարգ դրությունը մյուս տարածաշրջաններում:Ուալիի խոսքով ՝ երկիրը վերադառնում է նորմալ կյանքի։Հիշեցնենք` Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։
