Իրանի հարավ-արևմուտքում գտնվող Բուշեր նավահանգստային քաղաքում հայկական եկեղեցի (Gregorian Church) է բարեկարգվել։
Tehran Times-ը հայտնում է, որ ավարտվել է հայկական տաճարի տարածքի բարեկարգման ու մաքրման ծրագիրը, տեղական իշխանությունը նախատեսում է մոտ ապագայում բացել պատմական հուշարձանն այցելուների համար:
Վերակառուցման են ենթարկվել վանքի հին շենքը, ներքին բակը և այլ շինությունները։ Բացի այդ, աշխատանքներ են տարվում տաճարի տարածքում տապանաքարերը փաստաթղթավորելու ուղղությամբ։
Հոդվածում նշվում է, որ Բուշերի հայկական եկեղեցին նավահանգստային քաղաքի կարևոր և նշանակալի պատմական հուշարձաններից է:«Իրանը տուն է բազմաթիվ եկեղեցիների, մատուռների և տաճարների համար։
Սուրբ Թադեի, Սուրբ Ստեփանոսի և Ծործորի (Ձորձոր) եկեղեցիները Արևելյան Ադրբեջան ու Արևմտյան Ադրբեջան նահանգներում 2008 թվականին ընդգրկվել են ՅՈՒՆԵՍԿՕ-ի համաշխարհային ժառանգության ցուցակում», – նշված է հրապարակման մեջ:
ՅՈՒՆԵՍԿՕ-ն նկարագրել է այդ հուշարձանները որպես հայկական ճարտարապետության նշանավոր նմուշներ։
Բուշերի հայկական եկեղեցին կառուցվել է Քաջարի դինաստիայի օրոք (1795-1925) Ավադյան ընտանիքի կողմից, որը նավահանգստային քաղաքի հայտնի հայ ընտանիքներից մեկն էր:
