Ամերիկյան Instagram սոցիալական ցանցը ներկայացնում է վճարովի բաժանորդագրություններ ստեղծելու հնարավորությունը, որպեսզի բլոգերները կարողանան ավելի արդյունավետ դրամայնացնել իրենց կոնտենտը։ Այդ մասին հայտնել է սոցցանցի ղեկավար Ադամ Մոսերին։
Նոր վճարովի ֆունկցիայի օգնությամբ բլոգերները կկարողանան կիսել լսարանին և ուղիղ հեռարձակումներ, գրառումներ և կարճ տեսանյութեր անել միայն նրանց համար, ովքեր բաժանորդագրվել են դրանց։ Բացի այդ սոցիալական ցանցը կընդգծի իրենց վճարովի բաժանորդների մեկնաբանությունները հատուկ նշանով։ Նոր ֆունկցիան սկզբում կփորձարկվի ԱՄՆ-ում։
Instagram-ը սոցիալական մեդիայի հավելված է՝ նախատեսված լուսանկարների, հոլովակների հրապարակման և գնահատման համար։
2012 թվականից այն պատկանում է Ամերիկյան Facebook ընկերությանը, որը վերջերս վերանվանվել է Meta: 2020 թվականին սոցիալական ցանցի բջջային հավելվածը դարձել է աշխարհում ամենահայտնիներից մեկը։
