Այսօր կայացած կառավարության նիստում, անդրադառնալով կորոնավիրուսի համավարակով ստեղծված իրավիճակի կառավարմանը, վարչապետ Նիկոլ Փաշինյանը նշել է․ «Լոքդաունի չենք վերադառնալու․ մեր քաղաքականությունը հիմա նրան է ուղղված, որ մենք այնպես կառավարենք, որ ստիպված չլինենք վերադառնալ լոքդաունների, որ բոլոր բիզնեսները նորից 1 ամսով փակվեն, իսպառ փակվեն, և ընդհանրապես այլևս վերականգնվելու որևէ հնարավորություն չունենան։
Հանրային ժամանցի և սննդի վայրերում միայն պատվաստված կամ բացասական թեստ ունեցող քաղաքացիների մուտքի սահմանափակումը արվում է հենց տնտեսվարողների շահերից, հակառակ դեպքում, եթե մեր հիվանդանոցները նորից լիքը լինեն և մենք չկարողանանք սպասարկել մեր վարակված քաղաքացիներին, ստիպված ենք լինելու նորից գնալ լոքդաունների, և բոլոր ռեստորաններ ու այլ վայրերը ստիպված են լինելու փակվել»։
