Իշխանությունը ՀՌՀ անդամի պաշտոնում առաջադրել է մշակույթի նախկին նախարարի թեկնածությունը

Հեռուստատեսության և ռադիոյի հանձնաժողովի անդամների պաշտոնում Ազգային ժողովի «Քաղաքացիական պայմանագիր» խմբակցության կողմից առաջադրվել են մշակույթի նախկին նախարար, գրող Հակոբ Մովսեսի ու Երևանի ավագանու նախկին անդամ, ռեժիսոր Արթուր Մանուկյանի թեկնածությունը։

Նախկին նախարարն իր ելույթում դժգոհություն հայտնեց հայաստանյան մեդիադաշտի ներկա վիճակից ու հայոց լեզվի ցածր մակարդակից:

«Մեր հեռուստատեսության մի շարք ալիքներ չնայած կոռեկտության, տեղեկատվական իրենց խնդիրները կատարում են, բայց, համենայնդեպս, մենք չենք մոռանում, որ դրանք ստեղծվել են կա՛մ կուսակցությունների, կա՛մ կուսակցական լիդերների, կա՛մ կուսակցական հնարավորությունների սահմաններում»,- ասաց նա:

Հակոբ Մովսեսը 70 տարեկան է, մշակույթի նախարարի պաշտոնը զբաղեցրել է 1991-1996 թթ.-ին: 1973 թվականին ավարտել է Երևանի Խաչատուր Աբովյանի անվան պետական մանկավարժական ինստիտուտի բանասիրական ֆակուլտետը, որից հետո դասավանդել է Ապարանի շրջանի Բուժական գյուղում։ 1979 թվականին աշխատանքի է անցել «Ապագա բժիշկ» թերթում, ապա «Գարուն» ամսագրում։

Մեզ կարող եք հետևել նաև Instagram-ում։