Արտահերթ խորհրդարանական ընտրություններից անմիջապես հետո պասիվ ռեժիմի անցած «Արմնյուզ» հեռուստաընկերությունը նոր փայատեր ունի։ Այս մասին հայտնում է «Հրապարակ» օրաթերթը։
Ըստ պարբերականի տեղեկությունների` ՀԸ-ն աշխատանքը կվերսկսի փետրվարից, եթերում նորից հեռուստադիտողը կտեսնի հայտնի դեմքերի։
««Արմնյուզում» սեփականատիրոջ փոփոխություն է տեղի ունեցել՝ փայատեր է դարձել գործարար Ռուբեն Վարդանյանը, որը նաև քաղաքական ծրագրեր ունի Հայաստանում և հովանավորում է «Ապրելու երկիր» կուսակցությունը»,- գրում է օրաթերթը։
Նշենք, որ ըստ տեղեկությունների` «Արմնյուզ» հեռուստաընկերության սեփականատերերից մեկը նաև ՀՀ երրորդ նախագահ Սերժ Սարգսյանի փեսան է՝ Սուրբ աթոռում Հայաստանի դեսպան Միքայել Մինասյանը։
